Новости


     

        2019-жылдын 26-февралында Кыргыз Республикасынын Аялдар конгресси өлкөлөрдүн Кыргыз Республикасындагы ыйгарым укуктуу элчилери менен бирдикте уюштурган 8-март аялдардын эл аралык күнүнө карата чоң салтанаттуу майрамдык иш чарасында колледждин директору Осмонова Астра Сыдыкбековна  эмгектеги жетишкендиги, жана көп жылдык ак ниет эмгеги үчүн “Лидерлик үчүн” медалы менен сыйланды. Астра Сыдыкбековнаны бул ардактуу сыйлыгы менен чын жүрөктөн  куттуктайбыз жана ишмердүүлүгүнө албан-албан ийгиликтерди каалайбыз. 

    

    

   

                                  

 


    ПРЕСС-РЕЛИЗ

 

2018- жылдын 20-декабрында К.И.Скрябин атындагы КУАУнин Агротехникалык колледжде белгилүү мамлекеттик ишмер Султан Ибраимовдун атын берүү салтанаттуу иш чара өткөрүлдү.

Бул  салтанатка Султан Ибраимовичтин балдары Эрмек Султанович, Айнура Султановна жана неберелери: Нурсултан, Бексултан жана Аяна,  замандашы жана кесиптеши  Мейраждин Зулпуевич Зулпуев, КР Жогорку Кеңешинин депутаты К.К. Иманалиев, Билим берүү жана илим  министрлигинин статс-катчысы  Ж.А.Ташиев, Министрликтин алдындагы Илим департаментинин директорунун милдетин аткаруучусу Б.И.Баетов,   суу чарба департаментинин өкүлдөрү жана иш берүүчүлөрү,  университеттин ректору,  профессор  Р. З. Нургазиев, декандар, кафедра башчылары, колледждин бүтүрүүчүлөрү  катышышты жана сөз сүйлөштү. Агротехникалык колледжде Султан Ибраимовго атайын арналып жасалган “Эскерүү тактасын” ачуу аземи өттү. Султан Ибраимов жөнүндөгү фильм көрсөтүлдү.

Окуу жайдын студенти  Эрмаматова Альдина өзүнүн  улуу инсанга арнаган ырын окуп жана Султан Ибраимовичтин балдарына  белекке берди. Колледждин таланттуу студенттери тарабынан даярдалган чакан концерт тартууланды.

Бул  иш чаранын натыйжасында колледждин директору Осмонова Астра Сыдыкбековна бул улуу инсандын басып өткөн жолу жөнүндө анын чечкиндүүлүгү,  иш билгилиги, эмгекчилдиги мекенди чексиз сүйгөндүгү студенттерге чоң үлгү  болот жана анын атын  сыймыктануу менен алып жүрүүгө убада берерин билдирди.